Wasaaradda Ganacsiga iyo Wershadaha ee dalka Kuwayt waxay soo saartay Go’aano xayiraadda looga qaaday Lo’da, Idaha, Ariga, iyo Kalluunka laga soo dhoofiyo Somalia iyo 6 waddan oo kale.
Wargeyska Al-anbaa ee ka soo baxa dalka Kuweyt ayaa qoray in Xayiraadda laga qaaday Hilibka Lo’da, Ariga, Idaha, Kalluunka iyo Hilibka Shimbaraha ee laga kala keeno dalalka Somalia, Kenya, Gambiya, Zambia, Zimbabwe, Algeria iyo Hindiya.
Go’aanka waxa lagu xusay in Xoolaha nool ee laga keenayo Somalia iyo dallalka kale lagu xiray Shuruud ku aadan inay xaalladahooda waafaqsan yihiin Xaalladda
Caafimaadka Xoolaha ee ku cad Ururka Caalamka ee Caafimaadka (OIE), gaar ahaan Cutubkiisa 8.8 ee cudduradda Afka iyo Cagaha ee ku dhaca Xoolaha.