Danjire Abdullahi Mohamoud Warsame oo loo yaqaano Cadde Duqow” ayaa loo magacaabay Safiirka Somalia u joogi doona dalka Raashiya.
Waa Diplomaasigii ugu horreeyey ee xilkaasi loo magacaabay muddo toban sanno ah, wuxuuna xilka kala wareegi doonaa Danjirihii hore ee Somalia u joogay dalka Raashiya, Mohamed Mohamoud Xandulle oo isagu xilkaasi hayey tan iyo sannadkii 2007-dii.
Dowladda Raashiya waxay ka mid ahaan jirtey Dowladihii xiriirka fiican la lahaa Somalia, xilligii Dowladda Kacaanka, inkastoo uu xiriirkaasi xumaaday, kadib, markii ay Ethiopia ku taageereen Dagaalkii 77-kii ee dhex maray Ciiddanka Xoogga Dalka Somaliyo iyo Ciiddanka Ethiopia.
© Radio Dalsan
