Dowladda Federaalka oo sheegtay inay dishay dagaalyahano ka tirsanaa Al-shabaab

Ciidanka Xoogga Dalka Soomaaliya oo kaashanaya dadka deegaanka iyo saaxiibada caalamka ayaa howlgal wadajir ah waxaa ay ka sameeyeen deegaanka Ceel Gorof ee gobolka Gagaduud, waxaana ka dhashay khasaaro nafeed.

War-saxaafadeed kasoo baxay Wasaaradda Warfaafinta Xukuumadda Soomaaliya ayaa waxaa lagu sheegay in howlgalkii ka dhacay Ceel Gorof lagu dilay in ka badan 50 ka tirsan Alshabaab, waa sida lagu sheegay Warka dowladda.

Wasaaradda ayaa tilmaamtay in howlgalka oo ahaa mid qorsheysan lagu burburiyay saldhigyo ay Al-shabaab ku lahaayeen deegaanka Ceel Gorof, waxaana Ciidanka Qaranka iyo dadka deegaanku soo uruuriyeen 31 ka mid ah meydadka xubnaha la dilya.

Dhinaca kale Howlgal qorshaysan oo ay iska kaashadeen Ciidanka Hay’adda Sirdoonka iyo Nabad Sugidda Qaranka iyo Saaxiibada caalamiga ah oo ka dhacay beeraha aaga Geeshaan ee deegaanka Basra  ee gobolka Shabeellaha Hoose ayaa lagu dilay 47 ka tirsanaa Shabaab, waa sida lagu yiri Warka Wasaaradda Warfaafinta soo saartay.

Hoos ka Akhriso Qoraalka Wasaaradda soo saartay

About Webmaster

View all posts by Webmaster
%d bloggers like this: