Wasiiradda Deegaanka ama Bii’adda ee dalalka ku xeeran Badda Cas iyo Gacanka Carbeed ayaa la filayaa inay maalinta Arbacadda ee soo socota Kulan ku yeeshaan caasimadda dalka Sacuudiga ee Riyaadh.
Warbaahinta dalkaasi ayaa sheegtay inay Wasiiradda ka kala socday dalalka Sacuudiga, Somalia, Masar, Yemen iyo kuwo kale ay ka wada xaajoon doonaan Xaalladda guud ee Bad-qabka Deegaanka ee dhamaan dalalka ku xeeran Badda Cas iyo Gcaanka Cadmeed.
Bishii December ee sannadkii hore, Dowladda Sacuudiga waxay ku dhawaaqday asaaska Madal ay ku mideysan yihiin Dowladaha ku xeeran Badda Cas iyo Gacanka Cadmeed, si looga wada shaqeeyo Ammaanka iyo maal-gelinta Mandiqadda.
Baaqaasi ayaa soo baxay, kadib, markii ay Wasiiradda Arrimaha Dibedda Sacuudiga, Somalia, Jabuuti, Masar iyo Yemen ka wada xaajoodeen dhismaha Golaha dalalka Carabta iyo Afrika ee kaabiga ku haya Badda Cas iyo Gacanka Carbeed.
Dhismaha Golahaasi ayaa looga dan leeyahay in lagu sugo Ammaanka Badda iyo in laga hortago fal kasta oo lagu carqaladaynayo Deganaanshaha Badda iyo Maraakiibta isaga kala gooshta Badda Cas iyo Gacanka Cadmeed.
