Dowladaha Kenya iyo Uganda oo shaaciyey inay mideeyeen Hawlgalka ka dhanka ah Alshabaab iyo Xag-jirnimadda

War Murtiyeed laga soo saaray Shirar ay Uhuru Kenyatta iyo Yoweeri Musuevni ku yeesheen caasimadda dalka Uganda ee Kampala ayaa waxay ku sheegeen inay mideynayaan Hawlgalladda ka dhanka Xarakadda Alshabaab iyo Falalka Xag-jirnimadda.

Labada Hoggaamiye waxay mar kale xaqiiniyaan dadaalkooda ku aadan inay si wadajir ah ugala shaqeeyaan Dowladdha iyo Saaxiibadda kale si Xal siyaasadeed loogu heli lahaa colaadaha ka aloosan dalalka Somalia, South Sudan iyo Burundi.

Waxay kaloo walaac xooggan ka muujiyeen caqabadaha Xag-jirnimadda iyo Kooxaha loogu yeero Argagixisadda ee wax u dhimayo dalalka Bariga Afrika.

War-murtiyeedka waxaa kaloo lagu xusay inay iska kaashan doonaan Horumarinta Ganacsiga, Ammaanka iyo inay dadka iyo badeecadaha si xor ah isaga kala gudbaan dalalka Bariga Afrika.

Dhinaca kale, Labada Madaxweyne waxay isku raaceen Mashruuc dhuun shidaal ka soo qaadayso Dekedda Laamu ee Badweynta Hindiya oo gaarsiin doonto dalka Uganda.

Mashruucaasi oo uu Madaxweynaha Kenya sheegay in lagu dhamaystiri doono muddo shan sanno ah, waxaana dhuuntaasi la sii marsiin doonaa Gobalka W/BARI EE AY Soomaalida ka deggaan Kenya.

© Radio Dalsan

About Dalsan Editor

View all posts by Dalsan Editor