War ay soo saartay dowladda Soomaaliya ayaa lagu faah faahiyay howlgal ka dhan Alshabaab,kaasi oo ka dhacay Koonfurta Soomaaliya,waxaana ka dhasahy khasaaro.
Warka dowlada Soomaaliya ay soo saartay ayaa waxaa lagu yiri†ciidamada dowladda Soomaaliya oo kaashanaya kumaandooska Mareykanka ayaa bartilmaameedsaday deegaanka Dheerow Sanle oo ka tirsan Koonfur Galbeed,Soomaaliya,waxaana laga fuliyay duqeyn xagga circa ah,oo lagu beegsanayay Alshabaab.
Ilaa 6 k atirsan Alshabaab ayaa ku dhimatay duqeyntaasi,iyadoo lagu bur-buriyay saldhiggii ay halkaasi ku lahaayeen.
Dowladda Soomaaliya ayaa ujeedka ku tilmaamay mid loogaga hortagayaya weerarada Al-shabaab ay ka geystaan deegaano ka tirsan Maamulka Koonfur Galbeed.
Diyaaradaha dagaalka dowlada Mareykanka ayaa dhowr jeer waxa duqeymo ka fuliyeen Koonfurta iyo bartamaha Soomaaliya,kuwaasi oo lalal beegsaday xubno ka tirsan Al-shabaab iyo Saldhig waa weyn,iyagoona taageero siiya Dowlada Soomaaliya.
