Ganacsade C/llaahi Cali Axmed laguna naanayso “Caddow Cali Gees†ayaa maanta ku dhawaaqay inuu yahay Murashax Madaxweyne u taagan Xilka Madaxtinimo ee Somalia.
Ganacsadaha oo maanta Muqdisho kaga dhawaaqay Murashaxnimadiisa waxa uu Jaal dhow iyo Ehel wada yihiin Madaxweyne Xasan Sheekh.
Waxaana la hadal-hayaa in Murashaxnimadiisa horseedi karto inuu Madaxweyne Xasan lumiyo Miisaanka Siyaasadda ee Doorashadda soo socota.
Murashaxa Madaxweyne ee C/llaahi Cali Axmed “Caddow Cali Gees†oo haysta Dhalashadda dalka Maraykanka waa milyaneer galangal badan leh, isla markaana saaxiibo badan ku dhex leh Aqalka Hoose ee Barlamaanka cusub.
Murashaxa Donald Trump-ka Somalia waxaa la sheegaa inuu leeyahay 5 Diyaaradaha Qaadka iyo kuwa Rakaabka iyo Maraakiib Xamuul, wuxuuna lacag badan ka abuurtay muddadii uu xilka ka hayey Dekedda Muqdisho, ka hor inta aan  Shirkadda Albeyrak ee Turkiga la wareegin Maamulka Hawlaha Dekedda Muqdisho.
Si kastaba ha ahaatee, Ganacsade Caddow Cali Gees (Donald Trump)-ka Somalia waxa uu hami ka qabaan inuu sidii Madaxweynaha La-doortay ee Maraykanka, Donald Trump oo kale ugu guuleysto Doorashadda Madaxtinimadda Somalia, isagoo doonaya inuu Xeellad Dhaqaale iyo afgobaadsi Xildhibaanimo kaga gudbo Loolanka Kursiga Madaxweynaha 10-aad ee JFS.
©Radio Dalsan
