Garoonka diyaaradaha Aadan Cadee ee Magaalada Muqdisho ayaa Maanta waxaa soo caga dhigatay Diyaarad ay Soo dirtay hay’adda qaxootiga addunka, taasi oo siday gargaar.
Diyaaradan oo ay soo dirtay hay’adda qaxootiga addunka ayaa siday gurmad loogu tala galay dadkii dhawaan ay sameyeen fatahadaha Webiyada dalka ee Jubba iyo Shabeelle.
Sidoo kale Diyaaradan iyo wafdi la socday ayaa Garoonka Aadan Cadde kusoo dhaweeyay wasiir kuxigeenka wasaraadda gargaarka, wasiiru dowlaha Xafiiska Ra’iisul Wasaaraha, Xubno ka tirsan Guddiga gargaarka iyo Mas’uuliyiin kale oo ka tirsan.
Gurmadkan ka socday hay’adda qaxootiga addunka ee soo gaaray Muqdisho ayaa la filayaa dowladda Federaalka ay gaarsiiyo dadkii ay saameeyeen fatahaadihii dalka ka dhacay.
