Saraakiisha Boliska dalkaasi ayaa sheegay in Askari iyo qof rayid ah lagu dilay Tuullo ka tirsan Degmadda Bulandshahar ee Gobalka Uttar Paradesh ee Waqooyiga dalkaasi.
Dilkaasi aya yimid, kadib, markii ay dadka Hinduuska ee Lo’da caabuda ay ku qamaameen dad deganaa Beer laga helay haraagga Lo’ halkaasi lagu qalay.
Boliska waxay sheegeen inay 400 qof oo haysta Diinta Hinduuska ay isugu soo baxeen Beertaasi oo la sheegay in la helay haraagaaga xoolo la qalay oo ay Lo’ kujirtay.
Dadka lagu dilay dhacdadaasi ayaa kala ah Askari lagu magacaabi jirey Subuudh Kumaan Singh iyo nin kale oo 20-jir ah
Mar sii horreysay Boliska waxay sheegeen in Isbatoore Subuudh Kumaan Singh
dhagax loo adeegsaday dilkiisa, inkastoo ay dadka deegaanka sheegeen in uu u geeriyooday dhaawacyo rasaaseed oo lagu dhuftay.
Dhakhaatiirta ayaa xaqiijiyey in Askariga madaxa laga toogtay
Telefishinka NDTV ee dalka Hindiya waxa uu baaahiyey inay rabshadahaasi bilowdeen, kadib, markii haraaga 25 neef oo Lo’ ah laga helay Beerta ay dadka Hinduuska weerareen.
Dadka Hinduuska oo ku xooggan Waqooyiga dalkaasi waxay caabudaan Lo’, iyagoo u diida dadka Muslimiinta inay gawracdaan Lo’da.
Ilaa 39 qof oo Muslim ah ayaa lagu dilay Shaqaaqada ka dhalata Lo’da tan iyo sannadkii 2014-kii, xilligaasi oo Ra’isul-wasaare Narendara Bohi oo ka tirsan Xisbiga Janata Party loo doortay Ra’isul-wasaaraha Hindiya.
