Wararka naga soo gaaraya degmada Afgooye ee Gobolka Shabeellaha Hoose ayaa waxa ay sheegayaan in Gaari siday Jaad(Qaad) lagu rasaaseeyey Gudaha degmadaasi Afgooye.
Gaarigaan oo ahaa nooca Soomalida u taqaano HOMEY ayaa ka tegay Magalada muqdisho,isaga oo jaadka u waday Gudaha degmada Afgooye balse lagu rasaaseeyey inta u dhaxeysa Koontoroolka Baar Ismaaciil iyo Taraafikada.
Ciidamo ka tirsan kuwa dowladda Soomaaliya ayaa dad ku sugan Afgooye sheegeen inay gaarigaas rasaaseeyeen kadib markii Gaariga ay ciidamada ka dalbadeen inuu istaago balse Darawalkii waday uu ka dhega-adeegay,iyaga oo doonayay inay qaad ka qaataan.
Inta la xaqiijiyey Darawalkii Gaariga waday ayaa geeriyooday halka Ruux kale oo saarnaa uu dhaawac soo gaaray,sida uu Dalsan u sheegay mid ka mid ah Wariyeyaasha ka howlgalla degmada Afgooye.
Maamulka degmada Afgooye iyo taliska Booliska weli kama hadlin Gaarigaan Maanta lagu rasaaseeyey degmadaas,waxanaa uu ku soo aadayaa xilli shalay gelinkii dambe lagu dilay laba ka mid ah ergadii soo dooratay Xildhibaanada Golaha Shacabka Soomaaliya.
