Dhalinyaro kusoo Dhaawacantay Qaraxii ka dhacay Kismaayo oo la keenay Muqdisho

Labo ka mid ciyaartoydii ku soo dhaawacantay qaraxii shalay ka dhacay Magaalada Kismaayo ee Xarunta Gobolka Jubbaland ayaa gelinkii dambe ee Maanta la keenay Magaalada Muqdisho.

Dhaawacyada ayaa laga keenay  Kismaayo, kadib markii Isbitaalada halkaas ku yaala wax looga qaban waayay xaaladooda, waxaana garoonka diyaaradaha Aadan Cadde ku soo dhaweeyay mas’uuliyiin kala duwan.

Labada Ciyaartoy ee ka tirsan Kooxda kubada Cagta ee JCCI ayaa waxaa dhaawacyadooda la dhigay Isbitaalka Digfeer oo haatan lagu dabiibayo, waxaana Isbitaalka lagu geeyay gaadiid nooca Ambalasta oo looga soo qaaday Garoonka diyaaradaha.

Inta la xaqiijiyay afar dhalinyaro ayaa ku geeriyootay qaraxii shalay ka dhacay Kismaayo, halka 5 qof kalena ay ku dhaawacmeen, kuwaasi oo Ciyaartoy ahaa, isla markaana la qarxiyay gaari nooca Bas ah oo ay saarnaayeen.

Ciyaartoyda kooxda kubada Cagta ee JCCI ee ka dhisan Kismaayo ayaa xiligii la qarxinayay kusii jeeday,  Garoonka kubada Cagta ee Waamo Stadium oo shalay Madaxweynaha Jubbaland Axmed Maxamed Islaam Axmed Madoobe ka daah-furay horyaalka heerka koowaad ee Jubbaland.

About Dalsan Editor

View all posts by Dalsan Editor