Xildhibaano ka tirsan Baarlamaanka Soomaaliya gaar ahaan kuwa laga soo doortay deegaanada Maamulka Koonfur Galbeed Soomaaliya ayaa kulan gaar ah ka yeeshay Xukunkii dilka ahaa ee lagu diray Askarigii dilay Wasiir Siraaji iyo waxa loo fulin la’yahay.
Senotar Xuseen Sheekh Maxamuud oo ka mid ah Xildhibanada Aqalka Sare ayaa kulanka kadib waxa uu Radio Dalsan uga warbixiyay qodobadii ay isla soo qaadeen iyo wixii ka soo baxay.
Xildhibaanka ayaa sheegay in kulanka uu ahaa mid dabagal loogu sameynayay kiiskii dilka ahaa ee loo geystay Wasiirkii howlaha guud iyo guryenta Soomaaliya Cabaas Siraaji iyo in cadalad loo helo.
Wax uu sheegay in arrintaan ay hakad gashay, isla markaana laga joogo mudo 7 Bilood ah xukunkii lagu riday Askarigii dilay Wasiir Cabaas iyo waxa loo fulin la’yahay.
Waxa uu hadalkiisa intaas raaciyay in arrintu ay hakad ugu jirto Madaxweyne Farmaajo oo Go’aanka ugu dambeeyo leh oo laga rabo in uu Saxiixo fulinta dilka toogashada ah.
Ugu dambeyn waxa uu sheegay in dhawaan ay la kulmi doonaan Madaxweynaha Soomaaliya isla markana ay kala hadli doonaan sababta loo fulin la’yahay Xukunka lagu riday Askarigii dilay Cabaas Siraaji .
Hoos Ka Dhageyso Wareysiga Senotar-ka oo dhameystiran.
