Guddiga Ganacsiga iyo Warshadaha ee Golaha Shacabka ee Baarlamaanka Federaalka Soomaaliya ayaa maanta magaalada Muqdisho ku qabtay kulan wadatashi ah oo ku saabsanaa hindise sharciyeedka shirkadaha Soomaaliya.
Kulanka waxaa ka qeyb galay Wasiirka Wasaara Ganacsiga iyo Warshadaha Xukuumadda Soomaaliya mudane Maxamed Cabdi Xayir (Maareeye) iyo wasiiru dowlaha Wasaarada mudane Daahir Cabdi C/llaahi (Dr Goo).
Sidoo kale kulanka waxaa ka qeyb galay ganacsato iyo qareeno, waxaa aad looga dooday hindise sharciyeedka shirkadaha Soomaaliya.
Wasiirka Wasaarada Ganacsiga iyo Warshada Xukuumada Soomaaliya mudane Maxamed Cabdi Xayir (Maareeye) ayaa ka warbixiyay doorka wasaarada ganacsiga ee ku aadan hindise sharciyeedka Shirkadaha Soomaaliya.
Wasiirka ayaa u mahad celiyay guddig ganaciga iyo warshadaha ee Golaha Shacabka oo sharcigaan gacanta ku haya.
Guddoomiyaha Guddiga Ganacsiga iyo Warshadaha ee Golaha Shacabka Maxamuud C/raxmaan Beene Beene oo kulanka ka hadlay ayaa sharaxaad ka bixiyay heerarka uu soo maray hindise sharciyeedkan.
Guddoomiyaha ayaa sheegay in ay sii wadayaan dhageysiga talooyinka ganacsatada Soomaaliyeed.
Hoos Ka Dhageyso Codka labada masuul.
Wasiirka Ganacsiga
Guddoomiyaha Guddiga Ganacsiga iyo Warshadaha ee Golaha Shacabka.