Abaanduulaha Ciidanka Xoogga dalka Soomaaliya qeybta 27-aad Jneraal Saalax Yacquub ayaa waxa uu faah faahin ka bixiyay howlgal Ciidamada dowlada iyo kuwa AMISOM ay ka fuliyen Duleedka Magaalada Baladweyne ee Xarunta Gobolka Hiraan.
Waxa Abaanduulaha sheegay in howlgalka uu ku wajahnaa deegaano ay ku sugnaayen dagaalyahano ka tirsan Al Shabaab,waxaana kamid ah deegaanada baardheere iyo beer-xaano iyo deegaano kale oo badan.
Abaanduulaha Ciidanka Xoogga dalka Soomaaliya qeybta 27-aad ayaa waxa uu sheegay in howlgalkan uu socon doono,isla markaana Al-Shabaab ay ka saari doonaan deegaanada ay kaga sugan yihiin duleedka Baladweyne.
Dhinaca kale waxa uu tilmaamay in Al-Shabaab ay dhibaato ku hayaan Shacabka ku dhaqan deegaanada duleedka ka ah baladweyne,isagoona ugu baaqay in ay la shaqeyaan Ciidamada dowlada Soomaaliya,si dhibaatada looga dulqaado.
Hoos ka dhageyso Codka Taliyaha qeybta 27-aad.
