Guddoomiyaha Gobolka Hiiraan Yusuf Axmed Xagar (Dabageed) ayaa waxa uu ka hadlay dagaal laba Maleeshiyo beeleed ku dhexmaray tuulooyin hoostaga degmada Maxaas ee gobolka Hiiraan.
Waxa uu sheegay (Dabageed) in uu dhaqanka beelaha dagaalamay uu kala hadlay sidii loo joojin lahaa dagaalkaasi,isla markaana xal laga gaaro dagaalkii dhexmaray laba beelood ee xoolo dhaqato ah.
Guddoomiyaha Gobolka Hiiraan Yusuf Axmed Xagar (Dabageed) oo la hadlay Dalsan ayaa waxa uu u sheegay in Wafdi uu hogaaminayo oo qeyb ay yihiin Ciidamo ka dha-qaadeen Magaalada Baladweyne,iyagoo kusii jeeda tuulooyinka hoostaga Degmada Maxaas ee ku dagaalameen labada Maleeshiyo beeleed oo xoolo dhaqatada ah.
Sdioo kale Guddoomiye (Dabageed) ayaa waxa uu baaq u diray dadka ku dagaamalay tuulooyinka hoostaga degmada Maxaas,isagoona uga baaqay in si toos loo joojiyo dagaalka.
Dagaal sabababy Khasaaro isugu jira iyo dhaawac ayaa waxa uu laba Maleeshiyo beeleed uu ku dhexmaray deegaanka Dibi iyo Dacaar oo 22km dhinaca Waqooyi ka xiga degmada Maxaas ee Gobolka Hiiraan,kaasi ay ku dhinteen 15 Ruux in ka badana ay ku dhaawacmeen.
Dagaalka ka dhacay duleedka degmada Maxaas ee Gobolka Hiiraan ayaa h mid soo lab laabtay,waxana jirtay in dhawaan la bilaabay wadahadallo xal looga gaarayay,hayeeshee ay fashilmeen.
Hoos ka dhageyso Codka Guddoomiyaha Gobolka Hiiraan.