Guddiga Golaha amniga dowlad Goboleedka Jubbaland ayaa faahfaahiyay ka bixiyay ammaradii shalay lagu soo rogay Magaalada Kismaayo,kuwasi oo ku aadanaa sugida amniga Magaalada inta ay socoto Doorashada Madaxweynaha Jubbaland.
Guddiga amniga Jubbaland ayaa ku dhawaaqay laga bilaabo 20-bisha Agoosto oo shalay ku beegneyd in la xiray dhammaan xuduudaha Magaalada Kismaayo sida Cirka,dhulka iyo Badda,kadib War-saxaafadeed kasoo baxay Gudiga.
Sidoo kale Warka Guddiga ayaa waxaa lagu mamnuucay in garoonka diyaaradaha, Gaadiidka badda iyo barigga midna aan laso gali karin muddada lagu jiro doorashada Madaxweynaha Jubbaland.
Waxaa kaloo la joojiyay dhaq-dhaqaaqyo kasta oo Ciidamada maalinta Doorashada oo berri ku beegan,waxaana la faray inta aan aheyn Booliska Jubbaland iyo kuwa AMISOM inay xeyadooda ku sugnaadaan.
Magaalada Kismaayo ee Caasimadda KMG u ah maamulka Jubbaland ayaa waxaa lagu wadaa in Maanta Berri ah ay ka dhacdo Doorashada Madaxtinimada dowlad Goboleedka Jubbaland.
Go’aamadii ka soo baxay Guddiga amniga Jubbaland ayaa waxaa Warbaahinta u Akhriyay la taliyaha Madaxweynaha Jubbaland ee dhanka Amniga Generaal Cabdi Mahdi.
