Dowladda Federaalka Soomaaliya ayaa ka hadashay warar maanta soo baxay oo sheegayay in Al-shabaab ay siidaayeen Dhakhaatiir u dhashay Dalka Cuba, kuwaaas oo Al-shabaab ay in muddo ah u haysteen Afduub ahaan, iyadoo warbaahinta Caalamka ay qoreen in dowladda Soomaaliya ay gacan ka gaysatay sii daynta Muwaadiniintaas u dhashay Dalka Cuba.
Wasiirka Wasaaradda Ariamaha Dibadda Soomaaliya Axmed Ciise Cawad ayaa sheegay in aysan jirin dhakhaatiir Cuba u dhashay oo lasii daayay, waxaana uu Sheegay Wasiir Cawad in aysan gaacn ka gaysan Siidayntooda, ayna arrintaasi tahay mid been abuur ah oo aan sal iyo raad toona lahayn.
Waxaa uu sheegay in Dowladda Soomaaliya aysan lug ku laahyn arrintaas, balse ay Macquul tahay in Al-shabaab wax ka og yihiin, amaba ay siidayeen Daqaatiirta ay Afduubteen.
Landy Rodriguez iyo Herera Correa ayaa afduub loo heystay muddo sanad iyo bar ah, waxaana ay gacanta ugu jiraan Al-shabaab sida wararku sheegayaan, inkastoo Warbaahinta Caalamiga ah ay qoreen in Al-shabaab ay siidaayan.