DFS oo ugu baaqday Shirkadda DP World inay dib uga fekeraan Heshiisyadda Dekeddaha ee Somalia

Wasiirka Arrimaha Dibedda ee Xukuumadda Federalka, Axmed Ciise Cawad ayaa hadalkaasi ku sheegay Wareysi Khaas ah oo uu siiyey Wakaalladda Wararka REUTERS ayaa sheegay in loo baahan yahay Shirkadda DP World oo ay leedahay Dowladda Imaaraadka inay dib uga fekeraan Qandaraaska ay  la galeen Maamulka Somaliland.

Waxa uu Shirkadda DP World  ku booriyey inay DFS la shaqeeyaan, iyadoo aan lagu xad-gudbi Karin  Xuduudaha iyo Midnimadda dalka Somalia.

“Waxaan ka codsanaynaa DP World inay dib uga fekeraan Heshiisyadaasi” ayuu yiri Wasiir Axmed Ciise Cawad, wuxuuna hoosta ka xariiqay in Heshiiska DP World ku horumarinayso Dekedda Berbera xadgudub ku tahay Sharci ahaanta Dowladda Somaalia.

Waxa uu intaasi ku daray inay jiraan Is-faham la’aan iyo Heshiis la’aan  aan weli la xalinin.

Dhinaca kale, Afhayeen u hadlay Shirkadda DP World oo la hadlay Wakaallada Wararka REUTERS ayaa sheegay inay sida ugu dhaqsan u bilaabi doonaan Dhismaha Dekeddaha ay Shirkaddu ka hirgelinayso Somaliland iyo Puntland.

Sidoo kale, Ergayga Somaliland u jooga Imaaraadka Carabta, Baashe Cawil Cumar ayaa sheegay inaysan DFS wax shaqo ah ku lahayn Heshiiskaasi iyo inaan wada-xaajodo laga geli Karin Heshiiska  Shirkadda DP.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media