Abaarihii 08:00 Aroornimo ee saakayto waxaa qarax xooggan laga maqlay Degmadda Xamar-weyne ee magaalladda Muqdisho.
Qaraxaasi ayaa la sheegay inuu ku dhaawacmay mid ka mid ah Shaqaalaha Universal TV oo lagu magacaabo C/xamiid Karazaay, kaasioo la sheegay in qaraxa loogu rakibay gaarigiisa.
Wararku waxay sheegayaan inuu dhaawac culus soo gaaray C/xamiid Karasaay, sida ay Goobjoogayaal u xaqiijiyeen Warbaahinta.
C/xamiid Karasaay waxa uu ahaa Sawir-qaade ka tirsan Qeybta Tifaftirka Muuqaalladda ee Xafiiska Telefishinka Universal ee Muqdisho.
Ciiddanka Ammaanka ayaa soo gaaray goobta uu qaruxu ka dhacay, waxaana Weriyaha loola cararay mid ka mid ah Isbitaalladda.
Ma aha markii ugu horreysay ee Shaqaale ka tirsan Suxufiyiinta Soomaalida lala beegsado Qarax loogu xiro gaariga uu watay.
©Radio Dalsan
