Ciiddanka Ammaanka Sacuudiga ee ku sugan Kacbadda Barakaysan ee Maka Al-mukarama waxay gacanta ku dhigeen Nin doonayey inuu dab qabadsiiyo Kacbadda.
Barta Twitter-ka Ciiddanka Ammaanka ee Kacbadda Barakaysan ayaa lagu faafiyey Muuqaal Video Yar “Clip Video” oo ku saabsan Isku-daygaas la fashiliyey.
Eeedeysanaha ayaa la sheegay in la qabtay, xilli uu faraha kula jiray dembigaasi.
Wargeyska Al-waddan ee ka soo baxa Sacuudiga ayaa qoray inay Goobjoogayaal u xaqiijiyeen inay Ciiddanka Ammaanka ku guuleysteen inay qabtaan Eedeysanahaasi, xilli uu Bansiin uu watay ku daadinayey gudaha Barxadda Kacbadda si uu Ololka dabkaasi u saameeyo Kacbadda.
Balse, Ciiddanka Ammaanka ayaa ku guuleystay inay ka hortagaan Falkaasi caddowtooyadda leh.
Dhinaca kale, Boliska Sacuudiga weli wax war ah kama soo saarin magaca Eedeysanaha iyo Waddanka uu ka soo jeedo iyo Faahfaahinada kale.
Warar ayaa sheegaya in Eedeysanaha uu ahaa Nin madaxa looga jiray oo waalnaa, balse ma kala cadda ujeedada uu ka lehaa falkaasi.
©Radio Dalsan
