Dhamaan Rakaabkii ku sugnaa Dbaaqa Koowaad iyo Labaad ee Garoonka Calaamiga ee Diyaaradaha ee ku yaalla magaalladda Miami ee Gobalka Florida ayaa laga wada daad-gureeyey.
Warar kala duwan ayaana ka soo baxayo xaalladda Ammaanka ee Garoonkaas, wuxuuna Afhayeenka Garoonka, Greg Chin sheegay in qalab laga shakiyey laga helay meel ku dhow Bar Kontorool oo ku yaalla Garoonka.
Mid ka mid ah Rakaabka ayaa u sheegay Telefishinka CBS4 inaysan muuqanin in dadka dib loogu oddolaan doono inay gudaha u galaan Garoonkaasi.
Boliska ku takhasusay waxyaabaha qarxa ayaa loogu yeeray gudaha Garoonka, waxayna Boliska xireen dhamaan waddooyinka soo gala Garoonkaasi.
Dhamaan waxaa la xayiray Diyaaradihii ka hinqan lahaa iyo kuwii ku soo degi lahaa Garoonka, waxaana socda baaritano lagu ogaanayo waxyaabaha laga shakisan yahay ee laga helay agagaarka Bar Kontorool oo ku taalla Garoonka.
©Radio Dalsan
