Iyadoo maalintii 3-aad lagu waday inay Xildhibaanadda BFS dhegeystaan Khudbad-jeedinta xubnaha harsan ee Murashixiinta Madaxweynaha .ayaa waxaan weli furmin Hadal-jeedinta.
9-ka Murashax ee maanta lagu soo xiri lahaa Dhegeysiga Khudbadaha Murashixiinta ayaa ku wada sugan Hoolka Golaha Shacbiga, inkastoo aysan weli bilaabanin dhegeysiga Doorashadda sababo la xiriira Korom la’aan.
Guddoomiyaha BFS, Maxamed Sheekh Cusmaan ayaa haatan fadhiya Kuraasta Guddoonka, waxaana la sugayaa inay Xildhibaanadda soo buuxiyaan Komromka uu ku ansixi lahaa Dhegeysiga Murashxiinta.
Qaar ka mid ah Murashxiiinta o ola hadlay Radio Dalsan ayaa sheegay inuusan weli furmin Dhegeysiga Khudbadaha oo ballantu ahayd in la bilaabo 9:00 Aroornimo.
Xildhibaanadda maanta aan soo xaadirin Hoolka Golaha Shacbiga ayaa la sheegay inay Kulan kale leeyihiin, kaasi oo ay ku doonayaan inay Mooshin ka soo saaraan Go’aanka lagu gaaray in Xarunta Doorashadda Madaxweynaha loo wareejiyo Xerada Afisiyoone, iyadoo horey loo qoondeeyey in lagu qabto Ex-Scoula Polizia.
Halkan ka Akhriso Magacyada Musharaxiinta Maanta Hortagaya Baarlamaanka
1.Cumar Cabdirashiid Cali Sharmaarke
2.Dr. Maxamuud Maxamed Culusow
3.Maxamed Axmed Jabarti
4.Maxamed Cabdulaahi Maxamed (Farmaajo)
5.Maxamed Cali Nuur (Ameeriko)
6.Maxamuud Axmed Nuur (Tarsan)
7.Maxamed Cabdirisaaq
8.Xaaji Maxamed yaasiin Ismaaciil
9 Axmed Maxamed Cabdi.
Warar aynu helayno ayaa sheegayo in laga yaabo in Dhegeysiga Khudbadaha Murashixiinta dib loo laabo gelinka dambe ee maanta, haddii uu Koromka Xildhibaanadda soo dhamaystirmo.
©Radio Dalsan
