War ka soo baxay hay’adda Nabadsugida iyo sirdoonka Qaranka Soomaaliya ayaa lagu sheegay in Taliyaha Hay’adda Nabadsguda Soomaaliya uu iska casilay xilkaas.
War lagu qoray Barta twitter-ka ee Hay’adda NISA ayaa lagu sheegay in Taliye Xuseen Cismaan Xuseen uu warqadiisa is casilaada u gudbiyay Madaxweynaha Soomaaliya Maxamed Cabdullaahi Farmaajo.
In kastoo sabab is casiladiisa lagu sheegay in ay tahay arrimo isaga u gaar ah ayaa hadana wararka aan heleyno waxa ay sheegayaan in uu u sharaxan yahay u tartamida kursi ka banaan Golaha Shacabka.
Agaasimaha Guud ee Hey’adda Sirdoonka & Nabadsugida Qaranka Soomaaliyeed (NISA), Xuseen Cusmaan Xuseen ayaa maanta oo taariikhdu tahay 13/10/2018, sababo asaga u gaar ah owgeed warqadiisa iscasilaada u gudbiyay Madaxwaynaha JFS.
— NISA (@HSNQ_NISA) October 13, 2018