Wararka aan ka heleyno Magaalada Boosaaso ee Xarunta Gobolka Bari ayaa waxaa ay sheegayaan in Caawa halkaasi qarax lagula eegtay laba gaadiida ay la socdeen Ciidamo ka tirsan kuwa amniga Magaalada Boosaaso.
Qaraxaasi ayaa waxaa la sheegay in uu ahaa nooca Miinada dhulka lagu aaso,isla markaana waxaa Ciidamada lagula eegtay xili ay ku socdaal ku marayeen Xaafad ka tirsan Boosaaso,waxaana ka soo baxaya warar kala duwan.
Wararka ayaa waxa ay sheegayaan in mid kamid ah gaadiidka qaraxa lala eegtay uu la socday Taliyaha qeybta Booliska Gobolka Bari C/xakiin yuusuf Xuseen,inkastoo si dhab aan loo xaqiijin.
Dadka deegaanka ayaa sheegay in qaraxa kadib rasaas xoogan ay fureen Ciidamada,taasi oo aan weli la ogeyn Khasaaraha ay geysatay.
Weli sirasmi ah looga oga Khasaaraha ka dhashay qaraxii Caawa lala eegtay Ciidanka amniga Magaalada Boosaaso.