War hada soo dhacay ayaa waxaa uu sheegayaa in dib u dhac uu ku yimid keenista Magaalada Muqdisho Meydka Guddoomiyihii Gobolka Banaadir ahaana Duqii Muqdisho Cabdiraxmaan Cumar Cismaan Eng. Yariisow oo Maanta qorshu ahaa in la keeno dalka.
Qaban-qaabada Aaska Eng. Yariisow ayaa ka socotay Magaalada Muqdisho,waxana Garoonka Diyaaradaha Aadan Cadde ku sugnaa Guddiga loo xilsaaray Aaska qaran,hayeeshee waxaa la xaqiijiyay in dib ugu dhac uu ku yimid keenista Meydka,isla markaana maalinta Berri la keeni doono.
Guddoomiyihii Gobolka Banaadir Cabdiraxmaan Cumar Cismaan Eng. Yariisow ayaa Khamiistii la soo dhaafay ku geeriyooday Isbitaal ku yaalla Qatar,kadib dhaawac Culus oo ka soo gaaray Qaraxii dhawaan ka dhacay Xarunta Gobolka Banaadir xili uu socday Shir looga hadlayay amniga Caasimadda.
Amniga Magaalada Muqdisho ayaa Maanta siweyn adkeeyay,waxaana Ciidanka dowladda saakay ay xireen inta badan Wadooyinka ku yaalla Caasimadda.
Weli si rasmi ah looga oga sababta baajisay keenista Meydka Allaha u naxariistee Guddoomiyihii Gobolka Banaadir Cabdiraxmaan Cumar Cismaan Eng. Yariisow.
