Fiidnimadii Caawa ayaa dagaal khasaare geestay una dhaxeeyay ciidamada Maamulka Soomaaliland iyo Ciidamo deegaanka ah waxa uu ka dhacay deegaanka Xudun ee Gobolka Sool.
Dagaalka ayaa yimid kadib markii Guddiga doorashooyinka Maamulka Soomaaliland,ay deegaankaas geeyeen Sanaadiiqda doorashooyinka.
Dadka deegaanka Xudun ee Gobolka Sool,ayaa diidan jiritaanka Maamulka Soomaaliland,iyaga oo aaminsan in ay hoostagaan Maamulka Puntland ee uu hoggaamiyo Cabduweli Maxamed Cali Gaas.
Ilaa iyo hada lama oga khasaaraha rasmiga ah ee ka dhashay dagaalkaas,waxaana jira in dadka deegaanka qaarkood ee rayidka ah ay cabsi soo wajahday.
Xaalad jahwareer ah ayaa Caawa ka taagan deegaanka xudun ee Gobolka Sool,waxaana tani ay ku soo aadeysaa xili Maanta Wasiirka Warfaafinta Maamulka Soomaaliland uu sheegay in marnaba Soomaliland aysan ka ogolaan doonin in ay Sanaadiiqda doorashooyinka ay geeyaan deegaano ka tirsan Gobolada Sool iyo Sanaag.
