Iyadoo shalay bariga iyo Galbeedka magaalada Laascaanood uu ka dhacay dagaal xooggan oo u dhexeeya Ciidanka Millateriga Somaliland iyo Ciidanka Xoogagga SSC, ayaa waxaa soo baxaya warar kala duwan oo ku aaddan dagaalkaasi.
Wararka saaka ka imaanaya degaanadii shalay lagu dagaalamay ayaa sheegaya in wali ay taagan taahy xiisad dagaal oo u dhexeeysa dhinacyadii shalay dagaalamay.
Wararkii ugu dambeeyay ee nasoo gaaaraya ayaa sheegaya in Xoogag ka tirsan SSC-Khaatumo oo aad u hubaysan ayaa saaka nawaaxiga Tuulo Samakaab kaga sii siqaya jidka Laamiga ah ee Laascaanood iyo Oog.
Dad Goobjogayaal ah ayaa soo sheegaya inay arkayaa Ciidamo aad u hubaysan oo ku wajahan dhanka Ciidanka Somaliland ay ka joogaan degaanka iyo sidoo kale meelaha marinka u ah Millateriga Somaliland.
Dagaalkii shalay ayaa ahaa mid aad u qaraar, waxaaan labada dhinac soo kala gaaray dhimasho iyi dhaawac, waxaana laabda dhinacba ay sheegteen guulo waa weyn oo ku aaddan dagaalkii shalay dhacay.
