Dagaalkan ayaa xalay waxaa uu ka dhacay deegaanka Sabiib ee dhaca duleedka degmada Afgooye ee Gobolka Shabeellaha Hoose, kaasi oo u dhexeeyay Ciidanka dowladda iyo Al-shabaab.
Dadka deegaanka ayaa waxaa ay sheegeen in xalay ay maqlayeen jugta rasaas xoogan oo ay isdhaafsanayeen Al-shabaab iyo Ciidanka dowladda federaalka ee ku sugan deegaanka Sabiid.
Wararka ayaa intaas kusii daraya in dagaalkan markii uu ka dhashay weerar Al-shabaab ay kusoo qaadeen Saldhig Ciidanka dowladda ay Sabiib, waxaana weerarka ku dhintay sida la sheegay hal Askari oo ka tirsan dowlada.
Al-shabaab ayaa inta badan xiliyada habeenkii ah waxaa ay weeraro kala duwan ku qaadan Saldhigyada Ciidanka dowladda iyo kuwa AMISOM ay ku leeyihiin deegaano ka tirsan Gobolada dalka.
