Bannaanbaxyo waa weyn ayaa saaka ka billawday Magaalada Boorama ee Caasimadda Gobolka Awdel ee Gobolada Waqooyi, waxaana la arkayaa dadweyn farabadan oo aad u caraysan.
Waddooyinka waa weyn ee magaalada ayaa lagu arkayaa Boqolaal shacab ah, kuwaasi oo gubaya Taayeero sidoo kalena ku qaylinaya Erayo ka dhan ah Maamulka Gobolka.
Wararkuw axaa ay sheegayaan in Shacabku ay la wareegeen Xafiiska Guud ee Barasaabka Gobolka, waxaana xaaladdu ay hadda u muuqataa mid faraha ka baxday, iyadoo goobo hore leh oo ka tirsan Gobolkaasi ay banaanbaxyadu kusii fidayaan.
Dadka shacbka ah ayaa maamulka waxaa ay ka qabaan tabashooyin waa weyn,kuwaasi oo dhawaanahaan soo jiitamayay, waxaana arrintu ay cirka isku sii shareertay kadib markii Askari ka tirsan Ciidanka Maamulka uu Lawyacado ku dilay Nin Taliye ahaa oo lagu magacaabi jiray Khadar Maxamed Caynaanshe.
Dadka ayaa ku baaqaya in toogashada lagu fuliyo Askariga,w axaana haatan la arkayaa dad weyne buux dhaafiyay waddooyinka waa weyn ee magaaladaasi.
Xaaladda Borama ayaa u muuqata middii Laascaanood, waxaana la arkayaa kacdoon shaacb oo la mid ah kan dhawaan ka billawday Magaalada Laascaano ee xarunta Gobolka Sool.
