Ugu yaraan 18 qof ayaa ku geeriyootay shil Bas oo ka dhacay dhulka fog ee Gobalka Zulia ee Galbeedka dalkaasi, una dhow xuduudka dalka Colombia
Boliska dalkaasi waxay sheegeen inay 14-qof geeriyootay, 33 kalena ku dhaawacmeen shilkaasi, kuwaasi oo loo gudbiyey Isbitaal ku yaalla magaallada Villa del Rosario.
4 ka mid ah dadkii dhaawacmay waxaa la sheegay inay ku geeriyoodeen Isbitaalka, sida ay sheegtay Wakaalladda Wararka Faransiiska ee AFP oo aragtay Warbixinta Boliska.
Baaritaano hordhac ah ayaa sheegay inuu shilkaasi ka dhashay iyadoo uu Taayar ka qarxay, xilli uu Dareewalka si xawli ah ku waday Baska.
Baska waxaa la socotay 58 qof oo rakaab ah, sida laga soo xigtay Goobjooge la hadlay Wargeyska Panorama ee ka soo baxa dalka Venezuela.
Waddooyinka dalkaasi waxay yihiin kuwo dhibaato lagala kulmo, mana jiraan wax dayactir ah oo lagu sameeyey iyo iyadoo Gaadiidka Dadweynaha yihiin kuwo duugoobay.
Qiyaastii 10,600 oo qof ayaa la sheegay inay ku geeriyoodeen shilal gaadiid o oka dhacay dalkaasi sannadkii 2016-kii, sida lagu xusay Warbixintii Ammaanka Waddooyinka Caalamka ee ay Hay’adda Caafimaadka Adduunka ee WHO soo saratay sannadkii 2018-kii.