Dad careysan oo Maanta banaanbax ka dhigay Magaalada Boosaaso

Wararka aan ka heleyno Magaalada Boosaaso ee Xarunta Gobolka Bari ayaa waxa ay sheegayaan in halkaasi Maanta uu ka dhacay banaanbax xoogan.

Dadka banaanbaxa dhigayay ayaa ahaa kuwa aad careysan,isla markaana ka soo horjeeday amaro shalay ka soo baxay Mas’uuliyiin ka tirsan Puntland,kaasi oo ku aadan  in la xiraayo suuqa kalluunka iyo marsada ee ku dhexyaalla Dekedda Boosaaso,

Sidoo kale banaanbaxayaasha ayaa sheegay inay u baahan yihiin goobahooda ganacsi ay ku leeyihiin Boosaaso,iyagoona Madaxweyne Deni ka codsaday in arrintaan uu wax ka qabto.

Qaar kamid ah dadka banaanbaxa dhigay oo la hadlay Warbaahinta ayaa xusay in haatan aysan u baahneyn goobo kale oo ganacsi in looga sameeyo,isla markaana beeniyay wararka sheegaya in meel kale la geeynayo.

Arrintaan ayaa ku soo aadeysa xili shalay Mas’uuliyiinta Dowlad Goboleedka Puntland ay soo saareen amarro cusub oo ay ku xirayaan suuqa kalluunka iyo marsada ee ku dhexyaalla dekedda Boosaaso.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media