Ciidanka Xoogga Dalka Soomaaliyeed gaar ahaan guutada 9-aad Qeybta 60-aad ayaa howlgal qorsheysan oo ka dhan ah dagaalamayaasha Al-Shabaab ka fuliyay deegaano hoostaga degmada Xudur ee Xarunta Gobolka Bakool.
Ciidamada oo kaashanayay kuwa Maamulka Koonfur Galbeed ayaa howlgalka si gaar ah uga fuliyay deegaanada kala ah Farag ,Huuyaley , Abagbeeday, Dudumaale, Kojoor, iyo Ceelgaras, kuwaasi oo dhammaantood hoosyimaada degmada Xudur.
Howlgalka ayaa lagu bur-buriyay fariisimo Shabaabka ku lahayeen degaanadaasi,iyadoo halkaas khasaara xooggan lagu gaarsiiyay Shabaabka, sida uu warbaahinta Qaranka u xaqiijiyay taliye xigeenka guutada 9-aad Qeybta 60-aad CXDS G/le Yoonis Adan Hassan oo hoggaaminaayay Howlgalka.
Ciidanka xoogga dalka soomaaliyeed ayaa guud ahaan gobolada dalka ka wada howlgalo lagula dagaalamayo Al-Shabaab, halka dhan kale Shabaab iyaguna ay weerar khasaaro geysta ay ku qaadaan saldhigyada ay ku sugan yihiin ciidamada Xoogga iyo kuwa deegaanka ee macwiisleyda loo yaqaano.
