Ciidanka Ilaada Xeebaha Puntland oo gacanta ku dhigay Markab si sharci darro ah uga Kalluumeysanayay xeebaha G/Bari

Ciidanka Badda ee dowlad Goboleedka Puntland ee PMPF ayaa xeebta degmada Qandala ee gobolka Bari ku qabtay Markab si sharcidaro ah uga Kalluumaysanaysey xeebaha Puntland.

Hal Xidigle Maxamed Axmed Cafiish oo ka tirsan Ciidamada ilaalada Xeebaha Puntland ayaa sheegay in xogta Markabkan Kalluumaysi ay heleen ugu dambeyna ku soo qabteen si nabdoon, isagoo ka kalluumaysanaya meel aan sidaasi uga sii fogayn Khooriga Dagmada Qandala ee Gobalka Bari.

Shaqaalaha saaran ayuu ku sheegay inay yihiin 10 qof oo isugu jiray Kabtankii Markabka Engineer kii iyo 8 Badmaax wuxuuna intaasi ku daray inay hubiyeen Sharciyadoodii kalluumaysi ayna ogaaden in aysan wadan wax sharciyad kalluumaysi ah .

Ciidamada ilaalada xeebaha Puntland ayaa sidaani oo kale horaantii Bishii sadexaad ee sanadkaani ku soo qabteen 10 doonyood iyo shaqaalihii la socday, kuwaasi oo laga lahaa dalka Yemen si sharci daro ahna uga kalluumaysanayay Xeebaha bari ee Puntland.

About Dalsan Editor

View all posts by Dalsan Editor