Ciidanka dowladda Soomaaliya oo soo Afjaray weerarkii ka socday Magaalada Muqdisho

Ciidamada Ammaanka dowlada Soomaaliya ayaa Goordhow  oo haatan ah soo afjaray howlgal xalay ilaa iyo maanta ay ka wadeen dhismooyin ku yaalla Wadada aadka u Mashquulka badan ee Maka Al-mukarama ee Magaalada Muqdisho,halkaasi oo ay rag ka tirsan Al-shabaab ay weerar ku qaadeen.

Saraakiil ka tirsan Ciidanka dowlada oo ku sugan goobta ay shaqaaqadu ka dhacday ayaa xaqiijiyay in dhammaan la toogtay ragii weerarka soo qaaday,kuwaasi muddo ku dhow 22 Saacadood ka dhex dagaalamayay dhisyo ku yaalla Wadada Maka Al-mukarama.

Weerar ku bilowday qaraxyo ayaa xalay Fiidkii waxaa lagu qaaday dhismayaal ku yaalla Maka Al-mukarama,waxaana ka dhashay Khasaaro isugu jira dhimasho iyo dhaawac oo aad u badan.

Sidoo kale weerarkaasi ayaa geystay bur bur hantiyeed,waxaana dhismayaal  ganacsi iyo guryi halkaasi ku yaalla soo gaaray bur bur xoogan.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media