Ciidamo ka tirsan kuwa Daraawiishta Maamulka Puntland oo saacadihii lasoo dhaafay ka goostay Maamulkaas ayaa ku biiray dhinaca Soomaaliland, sida ay sheegayaan wararka laga helayo Gobolka Sanaag.
Ciidanka ku biiray Somaliland ayaa Maamulka Puntland uga howlgalayay magaalada Badhan ee Sanaag, waxaana Ciidankaas kamid ahaa Askar horey uga soo goosatay Somaliland bishii May sannadkii 2019-kii.
Saraakiisha Somaliland ayaa Ciidanka kasoo goostay Puntland kusoo dhaweeyay deegaan ka tirsan Gobolka Sanaag, iyagoonan sheegay in haatan wixii ka dambeeya ay kamid yihiin Ciidankooda.
Sidoo kale Sarkaal horkacayay ciidamada ka soo goostay Puntland ayaa ka mahaceliyay soo dhaweynta loo sameeyey, isla markaana waxaa uu sheegay inay ka shaqeyn doonaan nabad galyada, sidoo kalena ay xoojin doonaan howlaha lagu sugayo amniga.
Kubiirista Ciidanka Somaliland ee goostay Puntland ayaa kusoo aadeysa, xili la filayo in Madaxweyne Muuse Biixi uu socdaal ku tego Gobolka Sanaag, isagoona haatan ku sugan Magaalada Burco ee Gobolka Togdheer.
