Maamulka degmada Guriceel ee Gobolka Galgaduud iyo Ciidanka ammaanka ayaa joojiyay banaanbax looga soo horjeedo in dib loo furo Masaajid ay horey u xireen Ciidamo ka tirsan kuwa amniga degmadaasi.
Abaabulka Banaanbaxa ayaa maalmahan waxaa uu ka socday degmada Guriceel , kaasi oo ay wadeen qaar ka mid ah dadka dega degmadaasi, iyaga oo diidan in la furo masaajidkaasi.
Maalmo ka hor ayey qaar Kamid ah culimada maamuleysay masaajidka ay maamulka Galmudug ka dalbeen in ay gacmaha la gelin arimaha masaajidyada ee ku yaalla Guriceel.
Wasaaradda amniga dowlad Goboleedka Galmudug ayaa dhawaan ku baaqday in Ciidamada aysan lug ku yeelan arrimaha diinta, isla markaana loo madax banaaneeyo Wasaarada Diinta iyo Awqaafta Galmudug.
