Ciidamada Nabad Sugida maamulka Jubbaland ayaa sheegay inay gacanta ku dhigeen laba ruux oo ay sheegeen inay katirsanyihiin dagaalamayaasha Al-shabaab.
Baaritaan ciidamada ay ka sameeyeen magaalada Balad-xaawo ee gobolka gedo ayay kusoo qabteen ragaasi, kadib howgal qorsheysan oo ay ka fuliyeen magaaladaasi.
Taliyaha ciidamada Nabad Sugida Jubbaland ee gobolka Gedo Cali Abshir Xasan ayaa sheegay in labadaasi ruux ay kasoo qabteen magaalada,islamarkaana ciidamadu ay daba joogeen waayadaan danbe oo uu xusay inay ka danbeeyeen falalka amaan darri ee magaaladaas.
Taliyaha ayaa tilmaamay inay xoojin doonaan amaanka oo ay ka hortagi doonaan falalka amaan darri ee Beled-xaawo iyo Guud ahaan gobolka Gedo.
