Ciidanka Maamulka Jubaland ayaa saacadihii la soo dhaafay waxaa howlgalo ay ka sameeyeen deegaano hoostaga degmada Af-Madoow ee Gobalka Jubbada Hoose waxaana ay sheegeen Saraakiisha maamulkaas in ay ku dileen xubno ka tirsan Al-shabab.
Howlgalkaan ayaa ciidamada Daraawiishta Jubbaland waxa ay ka sameeyeen deegaanka Weel-maaro oo hoostaga Degmada Af-madoow,intii uu socday howlgalka ayaa la sheegay in uu dagaal kooban dhexmaray Al-shabaab iyo Ciidanka Jubbaland.
Saraakiisha ciidanku waxa ay sheegeen in ay sii wedayaan howlgalka ay ka wadaaan deegaanadaas hase’ahaatee waxa ay ka gaabsadeen in ay shaaciyaan tirada dagaalamayaasha Shabaabka ah ee lagu dilay howlgalka ka dhacay deegaano hoostaga degnada Af-madoow ee Gobalka Jubbada Hoose.
