Wararka aan ka heleyno deegaanka Janaale ee Gobolka Shabeellaha Hoose ayaa waxaa ay sheegayaan in halkaas ay la wareegeen Ciidamada kumaandooska xoogga dalka ee Danab iyo kuwa gor-gor.
Saraakiil ka tirsan Ciidanka dowladda oo la hadlay warbaahinta dowladda ayaa waxaa ay sheegeen in Ciidamada ay gudaha u galeen deegaanka Janaale oo in muddo ay maamulayeen Al-shabaab, hayeeshee waxaa la sheegay inay isaga baxeen halkaas.
Wararka ayaa intaas kusii daraya in Ciidanka dowladda ay howlgalo baaritaano ay ka waadan deegaanka Janaale Gobolka Shabeellaha Hoose, kaasi oo ah mid lagu xaqiijinayo amniga.
Ciidamada kumaandooska xoogga dalka ee Danab iyo kuwa gor-gor ayaa saacadihii lasoo dhaafay ku sugnaa duleedka Janaale, waxaana dadka ay tilmaameen inay arkayeen Ciidamada oo wata gaadiidka nooca dagaalka.
Al-shabaab ayaa deegaanka Janaale Gobolka Shabeellaha Hoose gacanta ku haayay muddo sanado ah, waxaana haatan lagu soo waramayaa inay la wareegeen Ciidanka dowladda.
