Idaacadda dalka Koonfurta Kuurya ee KBS ayaa baahisay in dhowr ka mid ah Gantaalladda Waqooyiga Kuurya laga qaaday Xarunta Gantaalladda oo ku taalla Caasimadda dalkaasi ee Biyonyang, taasi oo muujin karta inay qorsheynayaan inay qaadaan Tijaabinta Gantaalladda.
Warbixinta oo laga soo xigtay ilo dhinaca Sirdoonka Koonfurta Kuurya iyo Maraykanka ayaa sheegay in Gantaaladaasi laga soo qadaay Xarunta Cilmi-baarista iyo Horumarinta Gantaalladda ee SANUM DONG oo ku taalla Waqooyiga Biyonyang.
Warbixinta laguma sheegin xilliga iyo halka loo wareejiyey Gantaaladaasi oo la sheegay inay yihiin noocyada Ridada Dhexe ama Gantaalladda Balaastikada ee Qaaradaha isaga kala gudbi kara (ICBm)..
Saraakiisha Koonfurta Kuurya waxay walaac ka muujiyeen inay Waqooyiga Kuurya tijaabin doonto Gantaalladda bisha October 10-da oo ku beegan Asaaskii Xisbiga Shuuciga ee Waqqoyiga Kuurya ama ay suurtogal tahay inay Tijaabadda ku began Furitaanka Shirweynaha Xisbiga Shuuciga ee Shiinaha oo furmi doona bisha October 18-da
