Sacuudiga oo ku hanjabay inay duqeyn doonaan dalka Qatar.

Boqorka dalka Sacuudiga, Salmaan Bin C/casiis ayaa hadalkaasi ku sheegay Qoraal uu u diray Madaxweynaha Faransiiska, Emmanwel Makroon. Wargeyska LE MONDE ee ka soo baxa magaalladda Paris ayaa qoray inay Sacuudiga ku cabsi geliyeen Qatar in Tallaabo Milliteri laga qaadi doono, haddii ay Raashiya ka soo iibssadaan Gantaalladda Nidaamka Difaaca Cirka ee S 400.

Boqor Salmaan waxa uu tilmaamay inay Gantaaladaasi khatar ku yihiin Dnaaha Sacuudiga, isla markaan ka  walaacsan yihiin Wada-xaajoodka u socda Dowladaha Qatar iyo  Raashiya ee looga iibinayo Nidaamka casriga ee Lidka Diyaaradaha ee S 400.

Boqorka Sacuudiga waaxa uu ka codsaday Madaxweynaha Fraansiiska inuu caadaadis saaro Dowladda Qatar si ay u joojiyan qorshaha ay ku iibsanayaan Ganataladaasi Raashiya lagu farsameeyo.

Dhinaca kale, Wargeyska LE MONDE oo soo xigtay ilo ku dhow Qasriga Madaxtooyadda Faransiiska ee Elysee Palace ayaa qoray inuu Boqorka Sacuudiga sheegay inay qaadi doonaan Tallaabo kasta oo looga hortagayo Qatar, oo ay ku jirto Tallaabo Milliteri.

Boqor Salaman waxa uu bishii October ee sannadkii hore booqday Raashiya, isagoo la soo saxiixday Heshisi Hordhac oo ku aadan in laga iibiyo Nidaamka Difaaca Lidka Diyaaradaha ee  S 400.

Dowladaha Sacuudiga iyo Qatar iskuma fiicnayn tan iyo bishii June 5-dii ee sannadkii hore, kadib, markii ay Dowladaha Sacuudiga, Imaaraadka, Baxrayn iyo Masar ku eedeeyeen Dowladda Qatar inay taageerto Kooxaha loogu yeero Argagixisadda, inkastoo ay Qatar beenisay eedaasi.

Khilaafka Khaliijka waxa uu saamayn xooggan ku yeeshay Deganaanshaha Siyaasadeed iyo Ammaan ee Waddamo ay somalia ka mid tahay.