Laacibka Maxamed Salaax oo la rajeynayo inuu ka qeyb geli doona Tartanka Koobka Adduunka.

War-qoraal oo ka soo baxay Kooxda Xulka Qaranka ee K/cagta ee dalka Masar ayaa lagu sheegay inuu Ciyaar-yahan Maxamed Salaax rajeynayo inuu ka qeyb galo Tartanka K/cagta Adduunka oo ka furi doona dalka Raashiya.

Qoraalka oo la soo dhigay Barta Twitter-ka ee Kooxda K/cagta Masar (Egypt National Football Team) ee @Pharaohs  ayaa lagu shaaciyey inuu Dr. Maxamed Abu Ola sheegay inuu si toos ah ugala hadlay Shaqaalaha Caafimaadka ee Kooxda Liverpool FC  xaalladda Laacibkaasi, waxaana jirta rajo ku adaan inuu Maxamed Salaax awoodi karo inuu ka qeyb gaalo Koobka Adduunka oo furmi doona 18-maalmood kadib.

Qoraalka waxaa kaloo lagu muujiyey in dhaawaciisa ka dhigay nasiib-xumo inuusan si wanaagsan u dhamaysanin Ciyaarta Xilligan ee Anfielf, oo isaga ka dhigaysa inuu dhaliyey 44 gool iyo 15 kale oo uu taageero ka geystay dhalintooda.

Ciyaarta ugu horreyso ee Xulka K/cagta ka ciyaari doonaan Koobka Adduunka, waxay ka tirsan yihiin Group A oo ay is-arki doonaan Xulalka Uruguay, Russia iyo Sacuudiga.