Isbahaysiga Sacuudiga oo gudaha u galay Garoonka Diyaaradaha ee Xudeyda

Ciiddanka ay Sacuudiga iyo Imaaraadka taakuleeyaan ayaa lagu so owaramay inay saakayto gudaha u galeen Dhismaha Garoonkaasi oo ku dhex yaalla Dekedda weyn ee magaalladdaasi oo ku taalla Galbeedka Yemen.

Ilo Milliteri iyo dadka Deegaanka ayaa u sheegay Wakaalladda Wararka REUTERS inay Ciiddanka Isbahaysiga u itaal sheegeen Maleeshiyadda Xuutiyiinta ee difaacayey Garoonka.

Qabsashadda Garoonkaasi waxay faa’ido muhiim leh u tahay Ciiddanka Isbahaysiga oo iyagu horey u sheegay inay qabsan doonaan Dekedda iyo Garoonka Xudeydah, oo ay maamuli jiren Maleshiyadda Xuutiyiinta ee ay Dowladda Iiraan taageerto.

Isbahaysigaasi oo ay dalalak Reer Galbeedka taageeraan waxay 7 maalmood ka hor qaadeen Hawlgalka ay Kooxda Xuutiyiinta kala wareegeen magaalladda Xudeydah oo ah magaalladda 4-aad ee ugu weyn dalka Yemen, waxayna kaabiga ku haysa Badda Cas.

Afhayeenka Isbahaysiga Milliteriga Sacuudiga, Kolonel Turki Al-maaliki waxa uu tilmaamay in xoreynta nagaalladda Xudeydah iyo Dekadeeda tahay Xuquuqda Dowladda Yemen oo asaas u ah Qaraarkii Golaha Ammaanka ee QM ee tirsigiisu ahaa 2216.

Ugu dambeyntii, Isbahaysiga Sacuudiga waxay xaqiijiyeen inay Maraakiibta iyo Diyaaradaha wada shixnadaha Samafalka u fasixi doonaan inay Kaalmooyinka soo gaarsiiyaan dadka ku tabaalaysan gudaha iyo daafaha Xudeydah.