Telefishinka Dowladda ayaa baahiyey in Gantaaladaasi la so oriday, kadib, markii ay Diyaaradaha Dagaalka ee dalalka Maraykanka, Britain iyo Faransiiska duqeeyeen goobo lagu tuhunsan yahay inay yaallaan Hubka Kiimikada.
Telefishinka waxa uu tilmaamay in Gantaaladaasi lagu soo riddau Deegaanka Kiswah oo ku taalla Koonfurta caasimadda dalkaasi ee Dimishiq.
Saraakiisha Maraykanka ayaa sheegay inay Gantaalladda TOMAHAWK iyo kuwo kale u adeegsadeen weerar lagu qaaday Xarunta Cilmi-baarista Saynisyahanada Syria oo ku dhow magaalladda Dimishiq Bakhaaro lagu kaydiyo Hubka Kiimikada iyo Bar Talis oo ku taalla meel ku dhow magaalladda XOMOS.
Wasaaradda Difaaca UK ayaa sheegtay inay 4 ka mid ah Diyaaradaha TORNAADO ka qeyb galeen duqeynta lagu qaaday dalka Syria. Isla markaana ay duqeeyeen Saldhig Milliteri oo ku yaalla meel ku dhow magaalladda XOMOS.
Madaxweynaha dalka Faransiiska, Emmanuel Macron waxa u uxaqiijiyey inay ku lug lahaayeen Duqeyntii lagu qaaday dalka Syria.
Wakaalladda Wararka REUTERS ayaa sheegtay in ugu yaraan 6 dhawaaqyadda Qaraxyada laga maqlay magaalladda Dimishiq iyo Xarunta Cilmi-baarista Sayniska oo ku taalla magaalladda Barzah.
Duqeyntan ayaa timid, wax yar kadib, markii uu Madaxweynaha Maraykanka amar ku bixiyey in la duqeeyo Xarumaha Kiimikada ee Syria.
