Diyaaradaasi oo nooceedu ahaa F 15 Eagle waxay Waaberigii hore ee saakayto ku burburtay meel 80-KM dhanka Koonfurta kaga toosan magaalladda Naba ee Jesiiradda Okinawa ee dalka Japan.
Twitter-ka Ciiddanka Cirka ee Maraykanka ka jooga Saldhiggs Kadena ayaa lagu qoray in Duuliyihii Diyaaradda uu ka badbaaday shilkaasi, isla markaana ay Kooxaha Gurmadka soo badbaadiyeen.
Warar ayaa sheegaya in Duuliyaha uu lug ka jabay, laguna daaweynayo Isbitaal ay leeyihiin Saldhigga Ciiddanka Badda Maraykanka ee ku sugan dalka Japan.
Duuliyaha oo keliya ayaa la socday Diyaaradaasi oo duullimaad tababar ku jirtay markii ay dhacaysay.
Ku-dhawaad 18,000 oo Askar Maraykan ah iyo in ka badan 4,000 oo shaqaale ayaa ku sugan Saldhigga Ciiddanka Cirka ee Kadena ee dalka Japan, waana Saldhigga ugu weyn ee ay Milliteriga Mraaykanka ku leeyihiin dalkaasi oo marti-geliyey ku-dhawaad 47,000 oo Askar Maraykan ah, kuwaasi oo ku jooga Heshiis dhinaca Ammaanka oo labada Waddan u dhexeeya.
