Dagaalyahano taabacsanaa Dowladda Syria oo duqeyn lagu dilay.

Ugu yaraan 52 Dagaalyahano shisheeye ah oo ka barbar dagaalama Milliteriga Dowladda dalkaasi ayaa xalay lagu dilay duqeyn Diyaaradeed oo ka dhacday Bariga dalkaasi, meel ku dhow xuduudka dalka Iraq.

Madaxa Kooxda Kormeerka Dagaalka Syria, Raami C/raxmaan ayaa sheegtay inay duqeyntaasi ahayd tii ugu dhiig daadashada badnayd ee lala beegsado Dagaalyahano taabacsan Dowladda Syria.

Waxa uu xusay in 38 dagaalyahano aan u dhalanin Syria lagu dilay duqeyntii saqdii dhexe lagu garaacay Daldhig Milliteri oo ku yaalla Deegaanka Al-xari ee Gobalka Deyru Azuur, oo u dhow deegaanadda ay Isbahaysiga Mraayknaka kula dagaalamayaan Kooxda Daacish.

Dhinaca kale, Warbaahinta Dowladda dalkaasi waxay ku eedeysay Isbahaysiga Maraykanka inay ka dambeeyeen Duqeyntaasi, inkastoo ay Isbahaysiga ka gaabsadeen inay ka hadlaan Duqeyntaasi.