Ku-dhawaad 700 Tahriibayaal ayaa maanta si nabad ah ku gaaray Dekedda magaalladda Augusta ee Jesiirdda Sicilia ee dalka Talyaaniga.
Tahriibayaasha ayaa la sheegay in laga soo badbaadiyey Badda Mediterranean Sea, iyagoo ku safray dooni aan ammaan ahayn.
Maraakiib laga leeyahay dalalka Talyaaniga iyo Spain ayaa la sheegay inay soo daad-gureeyeen Tahriibayaashaasi, iyagoo ugu dambeyntii geeyey Jesiiradda Sicilia.
Maalintii Sabtiga ee la soo dhaafay, Ilaaladda Xeebaha Talyaaniga waxay sheegeen inay in ka badan 2,200 Tahriibayaal ka soo badbaadiyeen Badda, kuwaasi oo doonayey inay soo gaaraan Xeebaha Talyaaniga.
10 mayd ayaa laga dhex helay Doonyahaasi.
Dhinaca kale, Hay’adda Muhaajiriinta Caalamka ee IOM ayaa sheegtay inay 4,220 Tahriibayaal sannadkan ku geeriyoodeen Badda Mediterranean-ka.
©Radio Dalsan
