Ciidanka Booliska qeybta Bari ee gobolka Banaadir ayaa Xalay toogtay nin la sheegay inuu ka tirsanaa dagaalamayaasha Al-Shabaab.
Toogashada ayaa timid sida la sheegay kadib markii isaga iyo labo nin oo kale ay weerar ku qaadeen Bar-control oo ciidan ka tirsan booliska ay ku leeyihiin degmada Heliwaa, gaar ahaan xaafadda Suuqa Xoolaha.
Dableyda hubaysan ee sida la sheegay ka tirsanaa AL-Shabaab ayaa weeraray Bar Kontorool oo ciidanku ka sugayaan amniga, waxaana sidoo kale ay isku dayen in ay la dagaalamaan ciidanka, balse ciidanka ayaa mid kamid aha toogtay.
Booliska oo Qoraal soos aaray waxaa ay sheegeen in Ruuxa ay toogteen uu watay qori RBG ah oo hadda ay la wareegeen ciidanka booliska Soomaaliyeed.
Taliska Qeybta Guud ee Booliska Gobolka Banaadir ayaa horay waxaa ay u soo bandhigeen shaqsiyaad ay sheeegeen inay ka tirsan yihiin AL-Shabaab iyo kooxo Ciyaal weero ah oo lid ku ah ammaanka Caasimadda.
