Boolis Kenya oo baaraya dhaawac loo geystay Wasiirkii hore ee Maaliyadda Maamulka Gaarisa

Maalinimadii Axada aheyd ee la soo dhaafay ayaa rag hubeysan waxa ay dhaawaceen Wasiirkii hore ee Maaliyadda Maamulka Gaarisa ee Gobolka Waqooyi bari ee dalka Kenya Mkutar.

Weerarka lagu dhaawacay Wasiirka ayaa ka dhacay meel banaanka ah hoygiisa,waxana la sheegay in uu dhaawac ka soo gaaray Madaxa,isla markaana uu weli Isbutaal ku jiro.

Taliyaha booliska magaalada Nairobi Richard Kerich ayaa sheegay in in saraakiisha dembi baarista ee DCI-da ay la wareegeen baarista kiiskani.

“Dhibanaha ayaa haatan isbitaalka ku jira iyaadoo laga dabiibayo dhaawacyada ka soo gaaray madaxa.” sidaasi waxaa sheegay taliye ku xigeenka booliska.

Sidoo kale taliye ku xigeenka ayaa sheegay in barista oo mudo qaadaneysa kadib ay soo saari doonaan waxyaabihii ka soo baxa kiiskaas oo ah mid aad u culus.

Gobolka Waqooyi Bari Ee Dalka Kenya ayaa sanadihii ugu dambeeyey waxa uu ahaa amaankiisa mid aan wanaagsaneyn,waxaana weeraro ka fuliya dagaalamayaal ka tirsan Al-Shabaab.

About Dalsan Editor

View all posts by Dalsan Editor