Beesha Caalamka ayaa soo dhaweysay imaatinka ka qeyb galayaasha shir madaxeedka Dowlada Federaalka Soomaaliya iyo Hogaamiyaasha Dowladaha xubnaha ka ah Dowlada Federaalka, kaas oo beesha caalamka ay xaqiijisay in lagu qaban doono aagga la ilaaliyo Garoonka diyaaradaha Aadan Cadde ee Magaalada Muqdisho.
Qoraalka beesha caalamka ayaa lagu sheegay in shirkaas uu billaaban doono 22 Marso 2021 oo maalinta berri ku beegan, waxaana ka qeyb geli doona sida uu qorshahu yahay Madaxda dowlad Goboleedyada.
“Waxaan ku boorineynaa inay si dhakhso leh u shiraan ayna muujiyaan hogaamin iyagoo ka amba-qaadaya soo-jeedintii Gudiga Farsamada ee Baydhabo ee 16kii Febraayo 2021 si loo hirgeliyo hanaanka doorashada ee 17kii Sebtember 2020 loona gudbo doorashooyinka iyadoo aanu jirin dib-u-dhac,†ayaa lagu yiri qoraalka.
Qoraalka ayaa intaas ku daray “Waxaan sidoo kale dhiirigelinaynaa la-tashiyada lala yeelanayo saamilayda kale sida dhinacyada siyaasadda, ururada bulshada rayidka ah, iyo sharci-dajiyeyaasha muhiimka ah si loo dhageysto aragtiyadooda loona xaqiijiyo in geedi-socodka doorashada uu helo taageero ballaaran.â€
“Nooma muuqato wax kale oo lagu beddeli karo laguna hirgelin karo hannaanka doorashada ee 17kii Sebtember iyadoo la raacayo jadwal si dhaqso leh u hirgala si loo qabto doorashooyin nabdoon, loo wada dhan yahay, xor, xalaal ah oo lagu kalsoonaan karo. Saaxiibada caalamku ma taageeri doonaan geedi-socod aan loo dhamayn ama mid barbar-socod ah, ama dadaalo horseedaya kordhinta muddo xileedyadii horay u jiray,†ayaa lagu yiri qoraalka.
Sidoo kale Saaxiibada Beesha Caalamka Soomaaliya ayaa waxaa sheegeen inay sii wadayaan dadaalladooda ku aaddan isku soo dhoweynta saamilayda Soomaaliyeed.
Wakiilada Beesha Caalamka ee Somalia : Hawlgalka Midowga Afrika ee Soomaaliya (AMISOM), Belgium, Canada, Denmark, Jabuuti, Masar, Itoobiya, Midowga Yurub (EU), Finland, Faransiiska, Jarmalka, Urur-Goboleedka (IGAD), Ireland, Talyaaniga, Ururka Jaamacadda Carabta (LAS), Holand, Norway, Qadar, Suudaan, Iswiidhan, Iswisarland, Turkey, Ughaanda, Boqortooyada Midowday ee Britain, Dowladda Maraykanka, ee Qaramada Midoobay.
